Miscellaneous Tips

لو انت عندك داتا كتير متوزعة على أكثر من هارد خارجي، هتتعب جدا وانت بتدور على الحاجة اللي انت عايزها على كل هارد وهيضيع منك وقت كتير.

فيه برنامجين يقدروا يساعدوك انك تلاقي اللي انت عايزه مكانه فين وبسرعة علشان توصَّل بس الهارد اللي انت عايزه وتطلع الحاجة بسرعة في أقل وقت ممكن

لو بتشتغل على ملفات كتير وفي أكتر من مكان وعلى أكتر من جهاز، هتبقى دايما خايف انك مش شغال على آخر نسخة من الملف، ولو كانت ملفاتك كبيرة مش هينفع تعتمد على خدمات المزامنة الأونلاين زي Google drive و Dropbox لان سرعة النت مش هتساعدك.

في الفيديو ده شوف ازاي تستخدم برنامج FreeFileSync علشان تعمل المزامنة والـ Backup أوفلاين وتبقى مطمن ان كل حاجة متحدثة لآخر نسخة

لو جهازك متوصل بأكثر من شبكة، شوف في الفيديو ده ازاي تحدد للويندوز الشبكة اللي يتصل من خلالها بالانترنت.

لو بتابع شغل على أكثر من جهاز في المعمل او في مكان شغلك، هتبقى حاجة مرهقة انك كل شوية تتحرك من مكتبك علشان تروح للأجهزة دي.

في أوبشن في الويندوز بيسمحلك انك تتحكم بالكامل في أي جهاز على الشبكة، وفيه طريقة تانية لو كل اللي انت عايزه تنقل ملفات فقط

في الفيديو ده بوضح الطريقتين

لو انت في مصر وعايز تحول فلوس لأي حد في أي وقت بأقل عمولة ممكنة، ممكن تستخدم واحدة من المحافظ الالكترونية زي المحفظة الذكية لـ CIB أو الفون كاش من البنك الأهلي.

كل اللي هتحتاجه من الشخص اللي هيستقبل الفلوس انه يروح لأحد ماكينات البنك علشان يسحب الفلوس وانت معاه على التليفون.

لو انت عندك فولدر وفيه ملفات كتير، وعايز تعمل ادراج لأسماء الملفات دي داخل الإكسيل، تقدر تعمل ده بكل سهولة زي ما هو متوضح في الفيديو.

لو عندك مجموعة كبيرة من الداتا وعايز تقسمها لمجموعات أصغر حسب تصنيف محدد. تقدر تعمل كده في الإكسيل باستخدام أوبشن اسمه Subtotals

اضافة عدد كبير من الأعضاء لمجموعة على MS Teams

لو عندك فريق كبير وتريد اضافته على MS Teams بمعلومية الإيميلات الخاصة بهم، تقدر تنفذ ذلك باستخدام Power Automate.